SALAAM ZA MWENYEKITI WA KAUKI

MKUTANO MKUU WA SABA WA KAUKI IGOWOLE MUFINDI – 2011

Kama Mwenyekiti, ninayo heshima kubwa sana kuandika ujumbe huu kwenu wapendwa wana ukoo. Nina amini wote mliofika kwenye mkutano huo ni kutokana na moyo wa dhati kabisa mlio nao kwa ajili ya kujenga umoja na mshikamano wa ukoo wetu ili jina hili kubwa na lenye hadhi lisipoteee bure.

Naleta ujumbe huu kuomba msamaha kwa kushindwa kuhudhuria mkutano kutokana na kuumwa. Inaniumiza sana kutoonana na ndugu zangu mlio wengi, wapo ambao sijaonana nao tangia mkutano uliopita, wapo ambao ni miezi kadhaa. Lakini najua Mungu ni mwema  - atatukutanisha tena.

Kama Mwenyekiti najua kuna mambo ambayo tumeshindwa kutekeleza ndani ya makubaliano ya mikutano mbalimbali, hii ni kutokana na mwaka huu kuwa mgumu sana. Kikazi na kiuchumi. Sipendi nionekane kama najitetea ila kwa niaba ya viongozi wenzangu naomba tusamehewe.

Naomba wana ukoo mtuamini ya kwmaba mwaka huu tutajitahidi kufanya kadri ya yote yatakayoongelewa kwenye mkutano huu.

Nawatakia Mkutano Mwema.

Na Mungu Awatangulie

Donath Mhapa

Mwenyekiti - KAUKI